Mediyaan News DeskShare it if you like it
- இந்தியா முழுவதும் கொரோனா வைரஸ் வேகமாக பரவி மக்களை பாதித்து வருகிறது. இதற்காக மத்திய அரசும் மாநில அரசும் பல நடவடிக்கைகளை எடுத்தவண்ணம் உள்ளது. ஆனால் இந்த நெருக்கடி காலகட்டங்களிலும் மோசடி நபர்கள் தங்கள் கைவரிசையை காட்டியுள்ளனர்.
- கொரோனாவை எதிர்த்து போராட நிதி தேவை என்பதால் பிஎம் கேர் பண்ட் என்ற பெயரில் பிரதமர் மோடி இந்த பெயரில் உள்ள வங்கி கணக்குக்கு பொதுமக்கள் நிதி அனுப்பலாம் என்று தெரிவித்திருந்தார். இதன்மூலம் பல பிரபலங்களும், தொழிலதிபர்களும் அந்த வங்கி கணக்கில் தங்களால் முடிந்த நிதியை அளித்தனர்.
- இந்நிலையில் வியாழக்கிழமை, ஜார்கண்ட் மாநிலத்தில் நூர் ஹசன் மற்றும் முகமது இஃப்தேகர் ஆகிய இரு நபர்கள் பிஎம் கேர் பண்ட் என்ற பெயரில் போலி வங்கி கணக்கை வைத்துள்ளதை பஞ்சாப் நேஷனல் வங்கியின் (பிக் பஜார் கிளை) மேலாளர் சுஜித் குமார் சிங் மற்றும் யூனியன் வங்கியின் (அன்னடா ச k க் கிளை) மேலாளர் அமித் குமார் ஆகியோர் கண்டுபிடித்தனர். உடனடியாக ஜார்கண்ட் காவல் நிலையத்தில் புகார் அளித்தனர். அதிரடியாக அவர்கள் இருவரை காவல் துறையினர் கைது செய்தனர். மேலும் விசாரணையில் அவர்கள் இருவரும் போலி வங்கி கணக்கின் மூலம் 52,58,442 ரூபாயை ஏமாற்றியுள்ளனர் என்கிற அதிர்ச்சியான தகவல் வெளியே வந்தது. அவர்கள் இருவரும் சகோதரர்கள் என்று தெரிய வந்துள்ளது.
- ஒரு வங்கி கணக்கு (519102010958743) டிசம்பர் 26, 2019 அன்று ஆன்லைனில் திறக்கப்பட்டது. அதில் ₹ 17 லட்சம் வைப்புத்தொகையைப் பெற்றது. மற்றொரு கணக்கு (519102010958743) பஞ்சாப் நேஷனல் வங்கியில் முகமது இஃப்தேகரால் 2020 ஜனவரி 13 அன்று திறக்கப்பட்டது. இதில் 34 லட்சம் வைப்புதொகையாக இருந்தது.
- மேலும் விசாரணையில் இந்த மோசடி மன்னர்கள் இருவருக்கும் தலைவராக பர்மேஸ்வர் சாவ் என்பவர் இருப்பது கண்டறியப்பட்டுள்ளது. போலீசார் பர்மேஸ்வர் சாவின் வீட்டில் சோதனை நடத்தி வங்கி பாஸ் புத்தகங்கள், காசோலை புத்தகங்கள் மற்றும் ஏடிஎம் கார்டுகள் உள்ளிட்ட பல ஆவணங்களை மீட்டனர். மேலும் அந்த போலி வங்கி கணக்கு முடக்கப்பட்டுள்ளது குறிப்பிடத்தக்கது.
Share it if you like it
Arul Kumar