கம்யூனிச நிறத்திலிருந்து காவி நிறத்திற்கு மாறிய தூர்தர்ஷன் !

அரசு நடத்தும் தூர்தர்ஷன் தொலைக்காட்சி சேனல் (டிடி நியூஸ்) லோகோ சிவப்பு நிறத்தில் இருந்து காவி நிறத்துக்கு மாற்றப்பட்டுள்ளதை மக்கள் வரவேற்பு அளித்துள்ளனர்.

இது பற்றி தனது அதிகாரபூர்வ எக்ஸ் பக்கத்தில் டிடி நியூஸ் நிர்வாகம் வெளியிட்ட விளக்கத்தில், “எங்களின் மதிப்புகள் அப்படியே இருக்கும்போது, ​​நாங்கள் இப்போது ஒரு புதிய அவதாரத்துக்கு தயாராக இருக்கிறோம். முன்னெப்போதும் இல்லாத செய்தி பயணத்துக்குத் தயாராகுங்கள். புதிய டிடி செய்திகளின் அனுவத்தைப் பெறுங்கள்” என்று குறிப்பிடப்பட்டுள்ளது.

மாநிலங்களவை உறுப்பினரும், பிரசார் பாரதியின் முன்னாள் தலைமைச் செயல் அலுவலருமான ஜவாஹர் சர்க்கார் இது குறித்து தனது எக்ஸ் தள பக்கத்தில் குறிப்பிடும்போது, “தேசிய ஒளிபரப்பு நிறுவனமான தூர்தர்ஷன் அதன் வரலாற்றுச் சிறப்புமிக்க லோகோவை காவி நிறத்தில் மாற்றியிருப்பதை கவலையுடனும் எச்சரிக்கையுடனும் கவனித்துக் கொண்டிருக்கிறேன். இது பிரசார் பாரதி அல்ல, பிரச்சார பாரதி” என்றும் குறிப்பிட்டுள்ளார்.

தூர்தர்ஷன் வரலாறு

தூர்தர்ஷன் முதன்முதலில் செப்டம்பர் 15, 1959 அன்று ஒரு பொது சேவை ஒளிபரப்பு சேவையாக ஒளிபரப்பப்பட்டது. இது 1965 ஆம் ஆண்டு காலை மற்றும் மாலை நேர நிகழ்ச்சிகளை தினசரி ஒளிபரப்பும் ஒரு ஒளிபரப்பு நிறுவனமாக மாறியது, டெல்லியில் ஒளிபரப்பப்பட்டது.

இந்த சேவைகள் மும்பை, அமிர்தசரஸ் மற்றும் பிற நகரங்களுக்கு 1975 வாக்கில் விரிவுபடுத்தப்பட்டன.

ஏப்ரல் 1, 1976 இல், இது தகவல் மற்றும் ஒலிபரப்பு அமைச்சகத்தின் கீழ் வந்தது, 1982 இல் தூர்தர்ஷன் தேசிய ஒளிபரப்பாளராக ஆனது.

பின்னர், 1984 இல், DD நெட்வொர்க் அதன் குடையின் கீழ் மேலும் சேனல்களைச் சேர்த்தது.

தற்போது, ​​தூர்தர்ஷன் ஆறு தேசிய மற்றும் 17 பிராந்திய சேனல்களை இயக்குகிறது.