தகுதியானவர்களுக்கு பொறுப்புக் கொடுப்பதை கண்டித்து போராட்டம் நடத்துவதா? SFI-க்கு ABVP கடும் கண்டனம்.!

திருநெல்வேலி மனோன்மணியம் சுந்தரனார் பல்கலைக்கழகத்தின் சிண்டிகேட் உறுப்பினராக ABVP மாநில தலைவர் டாக்டர். சவிதா ராஜேஷ், ஆளுநரால் நியமிக்கப்பட்டுள்ளதை எதிர்த்து போராட்டம் நடத்துவதற்கு ABVP கடும் கண்டனம் தெரிவித்துள்ளது.

இது தொடர்பாக அகில பாரதீய வித்யார்த்தி பரிஷத் தேசிய மாணவர் அமைப்பின் தென் தமிழகம் மாநில இணை செயலாளர் விஜயராகவன் வெளியிட்டுள்ள கண்டன அறிக்கையில், ABVP அமைப்பு நாடு முழுவதும் பல்வேறு விதமான ஆக்கப்பூர்வமான பணிகளை செய்து வருவதை சுட்டிக்காட்டியுள்ளார்.

மேலும் விஜயராகவன் தனது கண்டன அறிக்கையில் சில கேள்விகளை எழுப்பியுள்ளார். திருநெல்வேலி மனோன்மணியம் சுந்தரனார் பல்கலைக்கழகத்தில் SFI போராட்டம்… ஏன்? பல்கலைக்கழக சிண்டிகேட் உறுப்பினராக ABVP மாநில தலைவர் டாக்டர். சவிதா ராஜேஷ் அவர்கள் தமிழக ஆளுநரால் நியமிக்கப்பட்டார்.

இதைப் பெரிதாகக் காட்டத் தேவையில்லை என்றாலும், யாரோ எழுதிக் கொடுத்த மருந்தை விழுங்கிய SFI காரரின் பரிதாப நிலையைப் பார்த்து ஒன்றும் சொல்லாமல் இருக்க முடியவில்லை. உங்கள் மாநிலத் தலைவர் மற்றும் மாநில செயலாளருக்குப் படிப்பும், வேலையும் இல்லாததால், அதுபோன்று எங்களுக்குக் கிடையாது என்று நினைத்தீர்களா? குறை சொல்லும் போது குறைந்த பட்சம் யாரை விமர்சிக்கிறீர்கள் என்பதை நினைவில் கொள்ளுங்கள்.

தகுதி உங்களுக்கு பிரச்சனையா? B.A மற்றும் M.A பட்டப்படிப்புகளுக்கு தங்கப் பதக்கம் வென்றவர், ஏறக்குறைய இருபது வருட ஆசிரியர் அனுபவம், தலைவர், ஸ்ரீ ஐயப்பா மகளிர் கல்லூரி, நாகர்கோவில், இணைப் பேராசிரியர், முன்னாள் செனட் உறுப்பினர், முன்னாள் ஆய்வுக் குழு உறுப்பினர், கட்டுரையாளர், DMRT இயக்குநர், பேரிடர் நிவாரண ஒருங்கிணைப்பாளர், கன்னியாகுமரியில் உள்ள இந்திய இளைஞர்கள் செஞ்சிலுவை சங்கத்தின் ஒருங்கிணைப்பாளர், சிறந்த இதழ்கள் உட்பட சுமார் நாற்பது வெளியீடுகள்… இது போன்று பல்வேறு சாதனைகள்

இவ்வளவு சிறந்த கல்வியாளர் சிண்டிகேட் உறுப்பினராக இருப்பதில் உங்களுக்கு இன்னும் சிக்கல் இருந்தால், அழுங்கள். ஏனெனில் தமிழகத்தின் உயர்கல்வித்துறையை சீரழித்த இடதுசாரி திராவிடக் கூட்டணிகளுக்கு எதிராக அந்தக் குரல் எப்போதும் இருக்கும்.

பல்கலைக்கழகத்தில் பிரிவினையை தூண்டும் இடதுசாரி மாணவர் அமைப்பான SFI யை வன்மையாக கண்டிப்பதாகவும் அகில பாரதீய வித்யார்த்தி பரிஷத் தேசிய மாணவர் அமைப்பின் தென் தமிழகம் மாநில இணை செயலாளர்
விஜயராகவன் தனது கண்டன அறிக்கையில் குறிப்பிட்டுள்ளார்.