இணையத்தில் வைரலாகும் வீடியோ!

சீதா – ராமர் திருமணத்தில் ஆஞ்சநேயர் வந்து வணங்கிய காணொளிதான் தற்போது சமூக வலைத்தளங்களில் வைரலாகி வருகிறது.

ஆந்திர மாநிலம் பொப்பிலியைச் சேர்ந்த தம்பதி ஸ்ரீஜெகதீஸ்வர ராவ் – சைலஜா. கணவன் மனைவி இருவருமே விரிவுரையாளர்கள். இவர்கள் இருவருமே ஹிந்து பண்டிகைகளை சிறப்பாக கொண்டுவது வழக்கம். குறிப்பாக, ராம நவமி அன்று சீதா – ராமர் திருமணத்தை தவறாது நடத்தி வருகிறார்கள். அந்த வகையில், கடந்த ஏப்ரல் 10-ம் ராம நவமி தினத்தன்று, சீதா ராமர் திருமணத்தை வெகு விமரிசையாக நடத்தி இருக்கிறார்கள். அப்போது, அங்கு வந்த குரங்கு ஒன்று, சீதா – ராமர் திருமணத்துக்கு படைத்திருந்த பிரசாதங்களை சாப்பிட்டுக் கொண்டே, பஜனை பாடலை கேட்டு ரசித்துக் கொண்டிருக்கிறது. பின்னர், விரிவுரையாளர் சைலஜாவை கட்டியணைத்து தழுவுகிறது. இதைக் கண்ட கூட்டத்தினர் சீதா – ராமர் திருமணத்தை ஆஞ்சநேயரே நேரில் வந்து கண்டுகளித்ததாகக் கூறி மெய்சிலிர்த்துப் போகிறார்கள். இந்த காட்சியை நிகழ்ச்சியில் பங்கேற்ற ஒருவர் வீடியோ எடுத்து, சமூக வலைத்தளங்களில் பதிவிட்டிருக்கிறார். தற்போது இந்த வீடியோதான் தென் மாநிலங்கள் மட்டுமல்லாது வட மாநிலங்களிலும் வைரலாகி வருகிறது.