7,000 ஆண்டு பழமையான நகரம் கண்டுபிடிப்பு!

இந்திய தொல்பொருள் ஆய்வுத் துறை (ஏ.எஸ்.ஐ.) ஹரியானா மாநிலம் ராக்கிகர்ஹியில் புதிய அகழ்வாராய்ச்சியில் ஈடுபட்டிருக்கிறது. இதில், 7,000 ஆண்டுகள் பழமையான ஹராப்பா நகரம் கண்டுபிடிக்கப்பட்டிருக்கிறது. இதன் மூலம் ஹரியானாவின் ராக்கிகர்ஹி உலகம் முழுவதும் பிரபலமாகி இருக்கிறது.

சுமேரிய, எகிப்திய நாகரிகங்களுக்கு அடுத்து, சிந்து சமவெளியில் தழைத்திருந்த ஹராப்பா நாகரிகமே உலகின் மூன்றாவது பெரிய நாகரிகமாக கருதப்படுகிறது. இது இந்தியா, பாகிஸ்தான், ஆப்கானிஸ்தான் வரை பரவியிருந்தது. நம் நாட்டில் பல்வேறு இடங்களில் நடத்தப்பட்ட ஆய்வுகளில், சில தகவல்கள் கிடைத்தாலும், ஹரியானாவின் ஹிசார் மாவட்டம் ராக்கிகர்கியில்தான் அதிக அளவில் ஆதாரங்கள் கிடைத்துள்ளன. ராக்கிகர்ஹியில் மேற்கொள்ளப்பட்ட அகழ்வாராய்ச்சி மற்றும் ஆய்வில், மேற்கண்ட இடம் ஒரு காலத்தில் சிறந்த பொறியியலாளரால் உருவாக்கப்பட்ட ஒரு திட்டமிடப்பட்ட நகரமாக இருந்தது தெரியவந்திருக்கிறது. மேலும், அகழ்வாராய்ச்சியின் போது, ​ஹராப்பா கலாசாரத்தின் எச்சங்களான தெருக்கள், பக்கா சுவர்கள் மற்றும் பல மாடி வீடுகள் உட்பட நகர திட்டமிடல் பற்றிய சான்றுகளும் கிடைத்திருக்கிறது. அதோடு, நகைகளை உற்பத்தி செய்த சுமார் 5,000 ஆண்டுகள் பழமையான தொழிற்சாலையின் எச்சங்களும் கண்டுபிடிக்கப்பட்டுள்ளன. இது நகரத்திலிருந்து வணிகம் செய்யப்பட்டதையும் குறிக்கிறது. அதிகாரிகளின் கூற்றுப்படி, பெரிய நகரங்களை கட்டுவதற்கு இப்போது பயன்படுத்தப்படும் தொழில்நுட்பங்கள், நேரான தெருக்கள், வடிகால், தெருக்களின் மூலைகளில் குப்பைகளை வைக்கும் குப்பைத் தொட்டிகள் போன்றவை அக்காலத்திலேயே பயன்படுத்தப்பட்டிருக்கின்றன. அகழ்வாராய்ச்சியின் போது, 2 பெண்களின் எலும்புக் கூடுகளும் நகைகளும் கண்டெடுக்கப்பட்டன. எலும்புக் கூடுகளுடன், இறந்தவர் பயன்படுத்திய பாத்திரங்களும் புதைக்கப்பட்டிருக்கின்றன.

ஹரப்பா நாகரிகத்தின் மிகப் பெரிய தொல்லியல் தளம் ராக்கிகர்ஹி. இது 2 நவீன கிராமங்களான ராக்கி – ஷாஹ்பூர் மற்றும் ராகிகர்ஹி – காஷ் ஆகியவற்றின் கீழ் வருகிறது. ராக்கிகர்ஹி ஹரப்பா கலாசாரத்தின் முக்கிய பெருநகர மையமாக வகைப்படுத்தப்பட்டுள்ளது. 1969-ம் ஆண்டு பேராசிரியர் சூரஜ் பானால் நடத்தப்பட்ட ஆராய்ச்சியின்போது, ​​ராக்கிகாரியின் தொல்பொருள் எச்சங்கள் மற்றும் குடியிருப்புகள் ஹரப்பா கலாசாரத்தின் இயல்புடையவை என்று கண்டறியப்பட்டது. ஏ.எஸ்.ஐ. மற்றும் புனே டெக்கான் கல்லூரி நடத்திய ஆராய்ச்சியில், இந்த இடம் 500 ஹெக்டேர் பரப்பளவில் கிளஸ்டர் டவுன்ஷிப் இருந்ததாக தெரியவருகிறது. இதில், RGR- 1 முதல் 11 வரை பெயரிடப்பட்ட 11 மேடுகளும் அடங்கும். 1997 – 98 முதல் 1999 – 2000 வரை அமரேந்திர நாத்தின் வழிகாட்டுதலின் கீழ் ஏ.எஸ்.ஐ.யால் மேற்கொள்ளப்பட்ட அகழ்வாராய்ச்சிகள், கி.மு. 5,000 முதல் கி.மு. 3,000 வரையிலான காலக்கட்டத்தை உள்ளடக்கிய முன் உருவாக்கும் நிலையிலிருந்து முதிர்ந்த ஹராப்பான் காலம் வரையிலான பல்வேறு தொழில் நிலைகளை வெளிப்படுத்துகிறது.

இதுகுறித்து ஏ.எஸ்.ஐ. இணை இயக்குநர் ஜெனரல் சஞ்சய் மஞ்சுல் கூறுகையில், ” RGR-1 அகழ்வாராய்ச்சியின்போது 2.5 மீட்டர் அகலமுள்ள தெருக்கள் மற்றும் சுவர்கள் கண்டுபிடிக்கப்பட்டன. இவை அனைத்தும் ஹராப்பா நகரத் திட்டமிடல் மற்றும் பொறியியல் ஆகியவற்றைக் காட்டுகிறது. வீட்டு வளாகத்தின் எச்சங்களும் கண்டெடுக்கப்பட்டுள்ளன. இந்த வீடுகளில் ஹராப்பா மக்கள் எப்படி தங்கியிருந்தனர் என்பது தெரியவருகிறது. மண் அடுப்புகளும் பழங்கால பொருட்களும் கண்டுபிடிக்கப்பட்டன. RGR-1 மற்றும் 3-ல் காணப்படும் எச்சங்களில் யானை பொறிக்கப்பட்ட செதுக்கல், ஹராப்பன் எழுத்துக்களின் ஸ்டீடைட் முத்திரை, கருப்பு களிமண் முத்திரையின் தோற்றம், டெரகோட்டா மற்றும் ஸ்டீடைட் செய்யப்பட்ட நாய், காளை மற்றும் ஏராளமான ஸ்டீடைட் மணிகள், விலையுயர்ந்த கல் மணிகள், செப்பு பொருட்கள் மற்றும் 2 மனித எலும்புக்கூடுகளின் டி.என்.ஏ. மாதிரிகள் ஆய்வுக்கு அனுப்பப்பட்டிருக்கின்றன: மேலும், 2 மனித எலும்புக்கூடுகளிலிருந்து சேகரிக்கப்பட்ட டி.என்.ஏ. மாதிரிகள் அறிவியல் ஆய்வுக்கும் அனுப்பப்பட்டிருக்கின்றன. இது பல்லாயிரக்கணக்கான ஆண்டுகளுக்கு முன்பு ராகிகர்ஹி பகுதியில் வாழ்ந்த மக்களின் வம்சாவளி மற்றும் உணவுப் பழக்கம் பற்றி கூறுகிறது. ​இந்த அகழ்வாராய்ச்சியை மே மாத இறுதிக்குள் நிறைவு செய்ய திட்டமிட்டிருக்கிறது.