Arul Kumarநமது பாரதத்தின் முதல் தேசியக் கொடியை 1904 ஆம் ஆண்டு ஹிந்து துறவியான சுவாமி விவகானந்தரின் பெண் சீடரான சகோதரி நிவேதிதா வடிவமைத்தார். அவர் இந்திரனின் ஆயுதமான வஜ்ராவின் சின்னத்துடன் மஞ்சள் மற்றும் சிவப்பு இரு வண்ணங்களைக் கொண்ட கொடியை வடிவமைத்தார். சிவப்பு மற்றும் மஞ்சள் நிறங்கள் சுதந்திரம் மற்றும் வெற்றியைக் குறிக்கின்றன, வஜ்ரா வலிமையைக் குறிக்கிறது. இந்தக் கொடி சகோதரி நிவேதிதாவின் கொடி என்றும் அழைக்கப்பட்டது.
இந்தக் கொடிக்குப் பிறகு முதன் முதலாக 1906ல் நீலம், மஞ்சள், சிவப்பு ஆகிய மூன்று வண்ணங்களைப் பயன்படுத்தி மற்றொரு கொடி வடிவமைக்கப்பட்டது. இந்தக் கொடியில் சூரியன் மற்றும் நட்சத்திரம் ஆகிய இரண்டு சின்னங்கள் இருந்தன. அதில் “வந்தே மாதரம்” என்று எழுதப்பட்டிருந்தது. அதே ஆண்டில் அதே கொடியின் மற்றொரு பதிப்பில் ஆரஞ்சு, மஞ்சள் மற்றும் பச்சை நிறங்களால் வடிவமைக்கப்பட்டது. அந்த கொடியின் மேல் பகுதியில் 8 வெள்ளை தாமரை பூக்கள் இடம் பெற்றிருந்தது. இந்தக் கொடி “தாமரைக்கொடி” அல்லது “கல்கத்தா கொடி” என்று புகழ் பெற்றது.
இதனை தொடர்ந்து ஷியாம் கிருஷ்ண வர்மா, மேடம் பிகாஜி காமா மற்றும் வீர சாவர்க்கர் ஆகியோரால் 1907 ஆம் ஆண்டில் ஒரு புதிய கொடியை வடிவமைத்தனர், 1906 ஆம் ஆண்டின் மாற்றியமைக்கப்பட்ட பதிப்பைப் போலவே இந்த கொடி பச்சை, குங்குமம் மற்றும் சிவப்பு ஆகிய மூன்று வண்ணங்களால் ஆனது. அதில் “வந்தே மாதரம்” என்றும் எழுதப்பட்டிருந்தது. இந்த கொடி மேடம் பிகாஜி காமா கொடி அல்லது பெர்லின் கமிட்டி கொடி என்றும் அழைக்கப்பட்டது.
பின்னர் 1916 இல் லோகமான்ய திலகர் மற்றும் டாக்டர்.அன்னி பெசன்ட் ஆகியோர் புதிய கொடியை வடிவமைத்தனர். இந்தக் கொடியில் வெள்ளை, பச்சை, நீலம் மற்றும் சிவப்பு ஆகிய நான்கு வண்ணங்கள் இருக்கும் வகையில் முறையில் பயன்படுத்தப்பட்டன, ஐந்து சிவப்பு மற்றும் நான்கு பச்சை கோடுகள் சிங் மற்றும் நாயர்களை குறிக்கும் வகையிலும் வெள்ளை நிற பட்டை சப்தரிஷியின் ஏழு நட்சத்திரங்களை குறிக்கும் வகையிலும் வடிவமைக்கப்பட்டது.
மீண்டும் 1917ல் ஹோம் ரூல் இயக்கத்தின் தலைவர் பாலகங்காதர திலகர் புதிய கொடியை அறிமுகப்படுத்தினார். இது நீலம் மற்றும் சிவப்பு நிறங்களைக் கொண்டுள்ளது. இது அரை வட்டமான நிலவு மற்றும் மேல் பறக்கும் முனையில் ஒரு நட்சத்திரம் இருந்தது. ஆனால் இந்த கொடி பிரபலமாகவில்லை. இதனை தொடர்ந்து மகாத்மா காந்தி 1921 இல் அயர்லாந்து கொடியின் அடிப்படையில் வெள்ளை பச்சை மற்றும் சிவப்பு மூன்று வண்ணங்களைக் கொண்ட புதிய கொடியை வடிவமைத்தார். மேலே உள்ள வெள்ளை நிறம் உண்மையைக் குறிக்கிறது. நடுவில் பச்சை பூமியையும் இந்திய விவசாயத்தையும் காட்டுகிறது மற்றும் சிவப்பு சுதந்திர போராட்ட உணர்வைக் குறிப்பதாக கூறப்படுகிறது.
1931 ஆம் ஆண்டு பிங்கலி வெங்கையாவால் புதிய கொடி வடிவமைக்கப்பட்டது. இது மூன்று வண்ணங்களைக் கொண்டுள்ளது, இந்தியாவின் தேசியக் கொடியில் மேல் பகுதி காவி நிறத்தில் உள்ளது, இது நாட்டின் வலிமையையும் தைரியத்தையும் குறிக்கிறது. நடுவில் வெள்ளை நடுத்தர பட்டையானது தர்ம சக்கரத்துடன் அமைதியையும் உண்மையையும் குறிக்கிறது. கீழ் பகுதி பச்சை நிறம் நிலத்தின் வளம், வளர்ச்சி ஆகியவற்றைக் காட்டுகிறது.
கொடியின் மையத்தில் “நீல நிறத்தில் அசோக சக்கரம் இருந்தது. இது 22 ஜூலை 1947 இல் இந்திய அரசியல் நிர்ணய சபையால் ஏற்றுக்கொள்ளப்பட்டது. நீல நிறத்தில் உள்ள இந்த சக்கரம் “அசோக் சக்ரா” என்று அழைக்கப்படுகிறது. இது 24 ஆரங்களை கொண்டுள்ளது, பின்னர் 15 ஆகஸ்ட் 1947 ல் இந்தியாவின் அதிகாரபூர்வ கொடியாக மாறியது.
Arul Kumar