மின்வெட்டு காரணமாக அரசு மருத்துவமணையில் உயிரிழந்த பெண் – அண்ணாமலை கடும் கண்டனம் !

திருவாரூர் அரசு மருத்துவக் கல்லூரி மருத்துவமனையில், அவசர சிகிச்சை பிரிவில் சிகிச்சை பெற்று வந்த பெண் ஒருவர், மின்வெட்டு காரணத்தினால் உயிரிழந்தாக பாஜக மாநில தலைவர் அண்ணாமலை சமூக வலைத்தளத்தில் பதிவிட்டு உடன் அந்த காணொளியையும் இணைத்து பதிவிட்டுள்ளார். இதுதொடர்பாக சமூக வலைதளத்தில் அவர் குறிப்பிட்டிருப்பதாவது :-

திருவாரூர் அரசு மருத்துவக் கல்லூரி மருத்துவமனையில், அவசர சிகிச்சை பிரிவில், வென்டிலேட்டரில் சிகிச்சை பெற்று வந்த பெண் ஒருவர், அரை மணி நேரத்திற்கும் மேல் மின்வெட்டு காரணமாக மரணமடைந்துள்ளார் என்ற செய்தி மிகுந்த அதிர்ச்சி அளிக்கிறது.

திமுக ஆட்சியில், ஏழை எளிய மக்கள் சிகிச்சை பெறும் அரசு மருத்துவமனைகள், எத்தனை துச்சமாக நடத்தப்படுகின்றன என்பதை இந்தத் துயரச் சம்பவம் மீண்டும் உணர்த்தியிருக்கிறது. அரசு மருத்துவமனைகள் இத்தகைய அவல நிலையில் இருக்கும்போது, தமிழக மருத்துவக் கட்டமைப்பை ஐரோப்பிய நாடுகளுடன் தான் ஒப்பிட வேண்டும் என்று வெட்கமே இல்லாமல் கூறிக்கொள்கிறார் முதலமைச்சர் ஸ்டாலின்.

ஊழல் செய்து சிறையில் இருக்கும் அமைச்சர் செந்தில் பாலாஜியின் உடல்நிலை என்றால், தனியார் மருத்துவமனையில் உயர்தர சிகிச்சைதான் வழங்க வேண்டும் என்று ஓடோடிச் செல்லும் திமுக அரசு மற்றும் அமைச்சர்கள், ஏழை எளிய மக்களின் உயிர் காக்கும் அரசு மருத்துவமனைகளை, இத்தனை கவனக்குறைவாக நடத்துவதற்கு தமிழக பாஜக சார்பாக வன்மையான கண்டனத்தைத் தெரிவித்துக் கொள்கிறேன். இந்தத் துயர சம்பவத்தில் பலியான சகோதரி குடும்பத்துக்கு ஆழ்ந்த இரங்கல்களைத் தெரிவித்துக் கொள்கிறேன். அவர்களுக்கு உரிய நிவாரணம் வழங்க, திமுக அரசை வலியுறுத்துகிறேன்.

ஊழலில் திளைக்கும் திமுக அரசின் கீழ் அரசு மருத்துவமனைகள் வீழ்ச்சியடைந்து வருவதைப் பார்க்கும்போது வேதனை அளிக்கிறது.ஊழலுக்காக கைது செய்யப்பட்ட இலாகா இல்லாத திமுக அமைச்சர், சிகிச்சைக்காக தனியார் மருத்துவமனையை விரும்பும்போது, ​​அரசு மருத்துவமனையில் ஐசியூ போன்ற முக்கியமான பகுதியில் பவர் பேக்அப் இல்லாததால் நோயாளி ஒருவர் உயிரை இழந்தார். இது தமிழக முதல்வரின் உயரிய கூற்றுகளுக்கு உண்மைச் சோதனை. இவ்வாறு பாஜக மாநில தலைவர் அண்ணாமலை பதிவிட்டுள்ளார். பலரும் அந்த பதிவினை பகிர்ந்து வருகின்றனர்.

https://x.com/annamalai_k/status/1729039544341975358?s=20