காங்கிரஸ் தேசிய பொதுச்செயலாளர் அஜய் கபூர் பாஜகவில் இணைந்தார் !

லோக்சபா தேர்தலில் கான்பூர் நகர் தொகுதியில் காங்கிரஸ் தேசிய பொதுச்செயலாளர் அஜய் கபூருக்கு சீட் கொடுக்க காங்கிரஸ் திட்டமிட்டுள்ளதாக தகவல்கள் வெளியாகி இருந்தது. ஆனால் அதற்கு முன் அஜய் கபூர் காங்கிரஸுக்கு ஷாக் கொடுத்து பா.ஜ.க.வுடன் இணைந்தார்.

அஜய் கபூர் முதன்முறையாக 2002 ஆம் ஆண்டு காங்கிரஸ் சார்பில் கோவிந்த் நகர் சட்டமன்றத்தில் இருந்து எம்எல்ஏவானார். அதன் பிறகு தொடர்ந்து மூன்று தேர்தல்களில் வெற்றி பெற்று 2002 முதல் 2017 வரை எம்எல்ஏவாக இருந்தார். பின்னர், கோவிந்த் நகர் சட்டமன்றத்திலிருந்து கித்வாய் நகர் சட்டமன்றம் பிரிக்கப்பட்டபோது, ​​அஜய் கபூரும் கித்வாய் நகர் சட்டமன்றத்தின் எம்எல்ஏவாக இருந்தார். கடந்த 2022 சட்டமன்றத் தேர்தலில், கித்வாய் நகர் தொகுதியில் அஜய் கபூரை காங்கிரஸ் வேட்பாளராக நிறுத்தியது.