Kathiravan Mediyaan Newsபோதைக்கு அடிமையாகிய மாணவிகள் பாதை மாறி சென்ற சம்பவம் குறித்து பா.ஜ.க. மூத்த தலைவர் நாராயணன் திருப்பதி பகீர் தகவலை தெரிவித்து இருக்கிறார்.
பெண்கள், பள்ளி மற்றும் கல்லூரி மாணவிகள், சிறுவர், சிறுமியர் என்ற பாரபட்சமின்றி தமிழகத்தில் மதுவிற்கு அடிமையாவோர் எண்ணிக்கை நாளுக்கு நாள் அதிகரித்த வண்ணம் உள்ளது. இதுஒருபுறம் இருக்க, டாஸ்மாக்கின் எண்ணிக்கையும் கூடிக்கொண்டே செல்கிறது. இதன் மூலம், தமிழகத்தில் சட்டம் ஒழுங்கு கெடுவதுடன் தமிழர்களின் கலாச்சாரம், பண்பாடு என அனைத்தும் பெரும் கேள்விக்குறியாக மாறியுள்ளது.
இப்படிப்பட்ட சூழலில், தமிழக பா.ஜ.க. துணைத் தலைவர் நாராயணன் தனது ட்விட்டர் பக்கத்தில் பகீர் தகவல் ஒன்றினை பதிவு செய்து இருக்கிறார். அதில், கூறப்பட்டு இருப்பதாவது;
திருச்சியில் உள்ள ஒரு பல்கலைக்கழகத்தில் பயின்று வரும் மாணவ மாணவியர்கள் போதைக்கு அடிமையாகி குரூப் செக்ஸில் ஈடுபட்டு வருவதாக சில ஊடகங்களில் தகவல்கள் வெளியாகியுள்ளன. போதை பொருள் பழக்கம் தமிழகத்தில் அதிகரித்து வருவது கவலைக்குரியது. மாணவ மாணவியர்கள் ஹோட்டல்களில் அறை எடுத்து தங்கி இம்மாதிரியான கூட்டு பாலியல் நடவடிக்கையில் ஈடுபடுகின்றனர் என்பது அதிர்ச்சியளிக்கிறது.
அதே வேளையில், தமிழக அரசு மெத்தனமாக உள்ளது என்பதையும், காவல் துறை கண்ணை மூடிக்கொண்டு உறங்கி கொண்டிருக்கிறது என்பதையும், கல்வித் துறை அலட்சியமாக உள்ளது என்பதையும். மனித நேயமற்ற ஹோட்டல் வியாபாரிகள் இந்த அவல நிலையை வேடிக்கை பார்த்து கொண்டிருக்கின்றனர் என்பதையும் வெளிப்படுத்துகிறது. இரக்கமற்ற மனிதர்களின் பணத்தின் மீதான ஆசையே இவை அனைத்திற்கும் காரணம் என்பது கண்கூடு. உறுதியாக, அரசியல்வாதிகள், அரசு அதிகாரிகள், காவல்துறையினர், கல்வி கொள்ளையர்களின் துணையின்றி இந்த படு பயங்கரமான கேவலம் நடைபெறாது.
தமிழக முதலமைச்சர் ஸ்டாலின் அவர்கள் கவலையோடு போதை பொருட்கள் குறித்து பேசினாலும், அதன் புழக்கம் அதிகரித்து வருவது நிர்வாக சீர்கேட்டின் நிலையை வெளிப்படுத்துகிறது. அவர் சொன்னதை செயல்படுத்த வேண்டியது காலத்தின் கட்டாயம் குற்றவாளிகளை சுட்டுக் கொன்றாலும் தவறில்லை. மாணவ சமுதாயத்தை காப்பாற்ற வேண்டிய கட்டாயத்தில் உள்ளோம். அரசியல் வேற்றுமைகளை மறந்து அடுத்த தலைமுறையை காப்போம்
Arul Kumar
Mediyaan News Desk