Karthikeyan Mediyaan Newsதமிழகத்தில் பா.ஜ.க. அசுர வேகத்தில் வளர்ந்து வருகிறது என்று தமிழக வாழ்வுரிமைக் கட்சியின் தலைவரும், தி.மு.க. எம்.எல்.ஏ.வுமான வேல்முருகன் பகிரங்கமாக ஒப்புக் கொண்டிருக்கிறார். இது தொடர்பான வீடியோ தற்போது சமூக வலைத்தளங்களில் வைரலாகி வருகிறது.
தமிழக வாழ்வுரிமைக் கட்சியின் தலைவராக இருப்பவர் வேல்முருகன். தி.மு.க. கூட்டணியில் அங்கம் வகிக்கும் இவர், பண்ருட்டி தொகுதியில் தி.மு.க. சார்பில் போட்டியிட்டு வெற்றிபெற்று எம்.எல்.ஏ.வாக இருக்கிறார். இந்த சூழலில், செய்தியாளர்களுக்கு பேட்டியளித்த வேல்முருகன், “தமிழகத்தில் பா.ஜ.க. அசுர வேகத்தில் வளர்ந்து வருவது என்பதை மறுப்பதற்கில்லை. கடந்த காலத்தைக் காட்டிலும் தற்போது மக்கள் மத்தியில் பா.ஜ.க.விற்கென்று ஒரு செல்வாக்கு பெருகி வருகிறது என்பதிலும் மாற்றுக் கருத்து கிடையாது.
தி.மு.க. நிர்வாகிகளும் கூட பா.ஜ.க. வளர்ந்து வருவதை மறுக்கவில்லை. அவர்களுக்கும் இது தெரிந்தே இருக்கிறது. 50 ஆண்டு காலம் திராவிட கட்சியைத் தமிழக இளைஞர்கள் பார்த்திருக்கிறார்கள். தற்போது ஒரு முன்னாள் ஐ.பி.எஸ். அதிகாரி தலைமையில் இயங்கும் பா.ஜ.க.வை பார்த்து இளைஞர்கள் ஈர்க்கப்படுகிறார்கள். அப்படிப்பட்ட இளைஞர்கள் பா.ஜ.க.வில் சேர ஆர்வம் காட்டுகிறார்கள் என்பதில் மாற்றுக் கருத்து இல்லை. எனவே, பா.ஜ.க.வின் வளர்ச்சியை அரசியல் கட்சிகள் மிகவும் கவனத்துடனேயே கையாள வேண்டும்” என்று கூறியிருக்கிறார்.
இது தொடர்பான வீடியோ தற்போது சமூக வலைத்தளங்களில் வைரலாகி வருகிறது.
Arul Kumar