Arul Kumarசத்தீஸ்கர் மாநிலத்தில் பாதுகாப்பு படையினர் நடத்திய என்கவுன்டரில் 6 நக்சலைட்டுகள் சுட்டுக்கொலை செய்யப்பட்டனர்.
சத்தீஸ்கர் மாநிலம் பிஜப்பூரில் நக்சலைட்டுகள் பதுங்கி இருப்பதாக பாதுகாப்பு படையினருக்கு ரகசிய தகவல் கிடைத்தது. அப்பகுதியில் பாதுகாப்பு படையினர் தீவிர தேடுதல் வேட்டையில் ஈடுபட்டனர்.
அப்போது பாதுகாப்பு படையினருக்கும் நக்சலைட்டுகளுக்கு இடையே துப்பாக்கி சண்டை நடந்தது. இதில் 6 நக்சலைட்டுகள் சுட்டுக்கொலை செய்யப்பட்டனர்.
இது குறித்து பாதுகாப்பு படை அதிகாரி ஒருவர் கூறியதாவது: துப்பாக்கிச் சண்டை நிறுத்தப்பட்டதை அடுத்து, ஒரு பெண் உட்பட 6 நக்சலைட்டுகளின் உடல்கள் சம்பவ இடத்திலிருந்து மீட்கப்பட்டன. அப்பகுதியில் தேடுதல் பணி தொடர்ந்து நடைபெற்று வருகிறது. இவ்வாறு அவர் கூறினார். சத்தீஸ்கர் மாநிலம் பிஜப்பூர் மாவட்டம் பஸ்தார் லோக்சபா தொகுதியில் ஏப்ரல் 19ம் தேதி தேர்தல் நடைபெற உள்ளது.